أربعة و عشرين تصويرة في دقيقة

 

أربعة و عشرين تصويرة في دقيقة

صالة ظلمة تستنى في حقيقة

و أنا ما عندي أفكار

بين قهوة جرنال تروتوار

عندك في الهم ما تختار

هكه يتعدى كل نهار

الي قرا و قعد بطال

لا سوردي لا مسوار

و الي عليه كريدي عطار

وا لي في كرومتو عيله و صغار

والي موش مخلص كرا الدار

و يقولولي موش نورمال

بين الي يجري يحصّر في الكار

و الي يسوق في جاقوار

أربعة و عشرين تصويرة في دقيقة

برشا افلام تحكي حقيقة

بين فسكنتي و قودار

نحلم نعمل ساتيام أار

لا يحشم لا يخاف لا يخبي عار

يكشف على خنّار

ناس يحكمها الدينار

ناس فرقتها لافار

ناس هاززها تيار

ناس فدّو ناس هجّو

ناس رضاو بالإستعمار

ناس على حافة الإنتحار

ناس شاعلة قي قلوبها نار

24تصويرة في دقيقة

حلّ عينك شوف الحقيقة

قبل ما يجيك وقت و تنهار